اے۔آر داد پہ بلوچی لبزانک ءَ ￴ ”دادے“

 

اے۔آر داد

اوّلی بہر۔۔۔۔

بلوچی نبشتہی لبزانک  ءِ ￵ سند اینچو مزن نہ اِنت پمشکا بلوچی  ءَ ￴ شاعری  ءَ ￴ ابید ردانکی ساچشت چوشیں کم نویسگ بوتگ کہ آ تا مزنیں وہدے  ءَ ￴ وت  ءَ ￴ زندگ داشت بہ کن اَنت۔ بلوچی شاعری اے واست  ءَ ￴ توانگر اِنت کہ شاعری  بلوچ  ءِ ￵ تب  ءِ ￵ چیزے۔ بلوچ چو کہ زمانگاں چہ روچے جاگہے لڈّ  ءُ ￶ بار کنوکیں راجے، برے جنگ  ءُ ￶ جدلاں درانڈیھ کتگ، برے گژن  ءُ ￶ واری  ءَ ￴  ءُ ￶ برے چراگجاہانی شوہاز  ءَ ￴ روچے نوکیں ہنکینے  ءَ ￴ در پہ در بوتگ۔

ہمے واست  ءَ ￴ بلوچ  ءِ ￵ تب  ءَ ￴ گوں شاعری ہوار کپتگ۔ بلوچ شعر وشّ نبشتہ کنت  ءُ ￶ زمانگ  ءَ ￴ چہ بلوچ  ءِ ￵ شاعری توانا بوتگ۔ بلئے انّوگیں دور  ءَ ￴ شاعری  ءِ ￵ وانگ  ءِ ￵ رواج کمّ بوتگ۔ سنگینیں وانوک شاعری  ءَ ￴ ہوار گیشتر ردانک  ءِ ￵ وانگ  ءَ ￴ ھبّناک اَنت۔

ہمے ھاتر  ءَ ￴ بلوچی  ءِ ￵ نوکیں دور  ءِ ￵ نبشتہ کاراں ردانک  ءِ ￵ ارازشت  ءِ ￵ سر  ءَ ￴ زور داتگ  ءُ ￶ آئی  ءِ ازمی￵ پیچ  ءُ ￶ تابانی گیشّینگ  ءِ ￵ جہد کتگ۔ اے رِد  ءَ ￴ نمیرانیں سید ہاشمی  ءِ ￵ کتگیں تجربت دانائیں  ءُ ￶ میچیوریں رنگے  ءَ ￴ درا بنت کہ آئی  ءَ ￴ ہر ہما تک کہ بلوچی لبزانک  ءَ ￴ ہورکی  ءَ ￴ دیستگ اَت وتی ند  ءِ ￵ بورتاچی یے بنا کت۔ پہ درور بلوچی  ءَ ￴ گدار نویسی  ءِ ￵ رواج نیست اَت گڑا آئی  ءَ ￴ ”نازک“ نبشتہ کت۔ ہمے رنگ  ءَ ￴ بلوچی  ءَ ￴ نِمدی نویسی  ءِ ￵ رواج دیئگ، لبز بلد  ءِ ￵ جوڑ کنگ، لبزانکی گوستانک  ءِ ￵ نبیسّگ، سیاھگ  ءِ ￵ جیڑہانی گیشّ  ءُ ￶ گیوار کنگ ، رجانک  ءِ ￵ دیمروی دیئگ  ءُ ￶ دگہ بازیں اَنچیں تکاں کہ ہود  ءَ ￴ بلوچی لبزانک پد منتگ اَت، سید  ءَ ￴ وتی وس  ءُ ￶ واک  ءَ ￴ بُن ھشت ایر کت اَنت۔

سید ظہور شاہ ہاشمی

سید ہاشمی  ءَ ￴ پد اے بار شہید صباء دشتیاری  ءَ ￴ وتی کوپگاں زرتگ اَت۔ آئی  ءِ ￵ واہگ ہم ہمیش اَت کہ بلوچی لبزانک  ءَ ￴ دنیا  ءِ ￵ مزنیں  ءُ ￶ شاھگانیں لبزانکانی رم  ءَ ￴ہوار بہ کنت۔ پرے کار  ءَ ￴ آئی   ءَ ￴ ادارہی رنگ  ءَ ￴ کار کنگ بندات کت  ءُ ￶ ”سید ہاشمی ریفرنس کتابجاہ“ جوڑ کت۔ شہید صباء  ءَ ￴ اے ھبر  ءِ ￵ ارزشت زانتگ اَت کہ ابید چہ ادارہ  ءَ ￴ فردی صورت  ءَ ￴کار کنگ  ءِ ￵ آسر ہمے بیت کہ یکّ مردمے  ءِ ￵ رؤگ  ءَ ￴ پد کار پدا اوشت آماچ بنت۔ ہمے ڈول  ءَ ￴ ادارہ  ءِ جوڑ کنگ  ءَ ￴ پد آئی  ءَ ￴ لوٹ اِت کہ ہما کار پہ زبانے  ءِ ￵ پہازگ  ءُ ￶ دیمروی  ءَ ￴ ھژدری اَنت آہانی بنپد ایر کنگ بہ بیت۔ چو کہ بلوچی لبزانک  ءِ ￵ اوّلی انڈیکس  ءِ ￵ جوڑ کنگ، ریفرنس کتابجاہ  ءِ ￵ جوڑ ￵ کنگ، بلوچی کسّہی لبزانک  ءَ ￴ نوکیں دروشمے دیئگ  ءُ ￶ اے درستاں چہ مستریں واہگ آئی ”انسائیکلوپیڈیا آف بلوچستانیکا“  ءِ ￵ رد  ءُ ￶ بند دیئگ اَت۔ 

اے سرجمیں واہگ آئی  ءِ ￵ پیلو نہ بوت اَنت بلئے داں زند  ءِ ￵ گڈّی ساھت  ءَ ￴ آ وتی کاراں گیروشگ اَت  ءُ ￶ اے کارانی مستریں مول  ءُ ￶ مُراد ہمیش اَت  کہ بلوچی  ءَ ￴ دیمروی کتگیں زبانانی رم  ءَ ￴ ہوار کنگ  ءَ ￴ وتی کرد  ءَ ￴ پیلو بہ کنت۔

شہید صباء دشتیاری

شہید صباء  ءَ ￴ وتی ونڈ  ءِ ￵ کار کت  ءُ ￶ چداں لڈّ اِت۔ صباء  ءَ ￴ پد فردی دروشم  ءَ ￴ اگاں کسے بلوچی  ءَ ￴ گوں نوکیں دور  ءِ ￵ لوٹ  ءُ ￶ گزراں ھمگرنچ کنگ  ءِ ￵ جہد  ءَ ￴ اِنت گڑا آ اے۔آر داد اِنت۔۔۔۔

(روان انت)