شاعر
زیمل ءُ نان، شیر ءُ شراب، پیماز ءُ واب بے قیمت ءَ
امبازاں دشمناں مزن مرّیں مردم
یکّے دومیگ ءَ دوست دار اَنت
ہر ٹپّ چو چمّگ ءَ انت
وتی تیراں سوہان کن انت سنگت
ءُ زند ءِ آسر ءَ پہ گڈّی میڑءَ بنت ساڑی
ءُ عاشق گوں امبازگاں، شپ ءِ آدیما ایر کپ انت
استال ءُ جونانی مرگ
ہر مردم ءِ وراک انت
علم ءُ واب ءَ دیگری نیست ءُ واب چہ عمل ءَ جتا نہ انت
شاعری کلّیں لچّہاں آس ءَ جنت
لبز بیران بنت گوں قصّہاں ہورءَ
نام ءُ چیزانی نیام ءِ پسّند پشت نہ کپتگ نوں
نام پِر کنگ ساچشتکاری، گمان کنگ ءُ ودی بوہگ انت
نوں وتی کوڈال ءَ بڈّ ءَ کن، لیکہ یے ساچ ءُ وہد ءِ گاماں برو
وتی نہاد ءَ بند ءُ پگار ءَ بگر
پیّک بئے انچو بہ چر کہ ترکّگی بہ بئے
ادءَ روتاکانی شاہگانیں ملگزار ءَ
ہوٹل ءِ ٹیبل ءِ سر ہر شپ ءَ جاک بہ کن
سیاست ءِ وارتگیں تئی زبان،
حاموش بیت یا جاک کنت، مانا یکّ
آہاں تئی ملام پیسر ءَ چہ گیشّینتگ
نوں ہر کشک ءِ آسر رسوائی انت ءُ پاہو اِنت
تئی واب سلّہیں واب انت
ترا فلسفہ یے پکار اِن
No comments:
Post a Comment