.jpeg)
من دل ءَ گشت کہ شمشت ءَ من
بلئے اے پدی ءَ واتر اَتک
انشپی گوں بہار ءِ اوّلی گرندءَ
یکدمیں شلگ ہورءِ
من نہ شمشتگ ہما تہاریں لوگ ءِ دپ
ما میلانک اتیں ءُ ہیرّوپ ءَ چمود ءَ شم کت
گروکے ایر کپت زمین ءِ دلبندءَ
ءُ چہ آزمان ءَ جلکشانءَ شت
تتّراں بوت انت رہگوزی ئیں بس،
ہور دمکاں چو کور ءَ ملّان ات
گوں لُردیں چولاں چول ورانءَ
چو چراغءِ مرمرانکیں آچ ءَ ٹمبانءَ
گوں بہار ءِ ہور ءِ گروک ءُ گرندان
خمار بوت وکشی ئیں منی دل
تئی چمّاں آشپی ہمنچو کرت گوں من ءَ را ہلوت
کہ اینچو حبر بہہ نہ کرتگ ات تئی لنٹاں۔۔۔۔
من دل ءَ گشت کہ شمشت ءَ من
بلئے اے پدی ءَ واتر اَتک
انشپی گوں بہار ءِ اوّلی گرندءَ
یکدمیں شلگ ہورءِ
شاعر: #سارہ ٹیسڈیل
No comments:
Post a Comment