بلوچستان ءَ ￴ کتابجاہ ءِ ￵ ربیت ءُ ￶ سریاب کتابجاہ ءِ ￵ جیڑہ

 

ہما وھدی کہ ما سکول  ءِ ￵ نودربر ات ایں مئے وانگجاہ (ہائی سکول میناز بلیدہ)  ءَ ￴دو کسانیں گِل  ءِ ￵ بان است اَت کہ یک وھدے ٹرسٹے  ءُ ￶ پدا بی۔ایس۔او  ءِ ھندی￵ بنجل بوتگ اَت۔ بنجل  ءَ ￴ ہوار اے کتابجاہے اوں بوتگ اَت۔ وھد گوٛزان بوت  ءُ ￶ گڈّی  ءَ ￴ ابید دروازگ  ءُ ￶ دریگاں اے کوٹیاں ہچ نہ منت۔ چہ ما لہتیں سنگت  ءَ ￴ توکل کت  ءُ ￶ ہمے کوٹیانی چابی شوہاز کت اَنت، چہ وانگجاہ  ءِ ￵ کارمستر  ءَ ￴ پنجاہ دانگ کتاب پچ گپت  ءُ ￶ ہمے کوٹی  ءَ ￴ ایر کت۔

یکبرے پدا اے کتابجاہے بوت  ءُ ￶ بیگاہاں نودربر اَتک انت   ءُ ￶ ہمد  ءَ ￴ نشت انت  ءُ ￶ ونت اش۔ کمّ کمّ  ءَ ￴ درائیں کتاب گار بوہان بوت اَنت  ءُ ￶ گڈّی  ءَ ￴ یک نندوکیں سنگتے(طاہر سبز کہ بلوچی  ءِ ￵ ورنائیں شاعرے) پشت کپت۔ کوٹی پدا ھورک بوت انت، کتاب گار بوت انت  ءُ ￶ کتابجاہ بند بوت۔

اے تہنا یک جاگہے  ءِ ￵ جیڑہ نہ اِنت، بلوچستان  ءِ ￵ ہر پبلک کتابجاہ  ءِ ￵ ھال ہمیش انت۔ کتاب  ءِ ￵ دزّی  ءَ ￴ وانوکیں مردم ہچ میار نہ کن اَنت۔ پدا بی۔ایس۔او  ءِ ￵ پرشت  ءُ ￶ پروش  ءُ ￶ سرکار  ءِ ￵ گرگ  ءُ ￶ بندی کنگ  ءِ ￵ درچ کہ برجاہ بوت پبلک کتابجاہانی ربیت ھلاس بوہان بوت۔

بساک  ءِ ￵ سنگتاں کہ توکل کت  ءُ ￶ بلوچستان کتاب کاروان  ءِ ￵نام  ءَ ￴ سرجمیں بلوچستان  ءَ ￴کتابانی سٹال جنگ بندات کت، یکبرے پدا کتاب  ءِ ￵ وانگ  ءُ ￶پبلک کتابجاہ جوڑ کنگ  ءِ ￵ ربیت دیما آہان بوت۔  سرکار  ءَ ￴ اے ہم جارارت نہ کت  ءُ ￶ ہر روچ کتابانی سٹالانی سر  ءَ ￴ اُرش بنا کت۔

ہمے نیام  ءَ ￴ شال  ءَ ￴ سریاب  ءِ ￵ ورناہاں یک پبلک کتابجاہے جوڑ کتگ اَت  ءُ ￶ وتی وس  ءَ ￴ ابید دگہ سرکاری زرّ  ءُ ￶کمکّ  ءَ ￴کتابجاہ چلائینت۔ چو کہ اے کتابجاہ ھالیگیں ماڑی یے  ءَ ￴ ات۔اے ماڑی 2013  ءَ ￴ پہ نادراہجاہ  ءَ ￴ جوڑ کنگ بوت دانکہ 2018  ءَ ￴ نادراہجاہ  ءِ ￵ بدل  ءَ ￴نشہی آنی بنزہ اَت۔ وھدے ھورکیں ماڑی کتابجاہے بوت گڑا سریاب  ءِ ￵ ورناہاں چہ جتائیں ادارہ  ءُ ￶ نبشتہ کاراں کتاب گپت یا بہا زرت  ءُ ￶ ہمد  ءَ ￴ ایر کت دانکہ نودربر  ءُ ￶ ایندگہ مردم اتک  ءُ ￶ ونت بہ کن اَنت۔ اے وھدی کتابجاہ  ءَ ￴ کساس 10 ہزار کتاب ایر اِنت  ءُ ￶ پنچ سد رجسٹرڈ وانوک اَنت۔ سریاب  ءِ ￵ مردم گیشتر چوکہ بلوچ اَنت  ءُ ￶ وانگ  ءُ ￶ زانگ  ءِ ￵ درگت  ءَ ￴ باز پد منتگ اَنت۔ اد  ءَ ￴ کتابجاہ  ءِ ￵ ربیت نہ بوتگ، بلئے ہمے یکّیں کتابجاہ  ءِ ￵ سر  ءَ ￴ گوستگیں روچاں سرکار  ءَ ￴ اُرش کتگ  ءُ ￶ نودربر جتگ  ءُ ￶ چیولینتگ اَنت۔ 

جیڑہ اے نہ انت کہ سرکاری ھورکیں ماڑی یے  ءَ ￴ ہما ھند  ءِ ￵ مردم کارمرز کنگ  ءَ ￴ اَنت بلکیں جیڑہ اش انت کہ بلوچ پرچا بہ وانیت؟ پرچا بہ زانت؟ سریاب  ءِ ￵ ورنا پرچا وت  ءَ ￴ را گوں جہان  ءَ ￴ ھمگام بہ کنت؟ اگاں اے ماڑی نادراہجاہے بوتیں گڑا دوازدہ سال گوزگ  ءَ ￴ پد الّم فعال بوتگ اَت۔۔۔ نوں واجہ  ءَ ￴ ہوش کتگ کہ اد  ءَ ￴ نادراہجاہے است۔

اے کتابجاہ  ءِ ￵ سر  ءَ ￴ اُرش کنگ  ءُ ￶ اشی  ءِ ￵ بند کنگ  ءِ ￵ مول  ءُ ￶ مراد بس ہمے یکّین انت کہ سریاب  ءِ ￵ مہلونک  ءَ ￴ چہ وانگ  ءَ ￴ دارگ اِنت دانکہ آ دمکاں یلہ چر بہ بنت  ءُ ￶ نشہ  ءِ ￵ آماچ بہ بنت۔ اگاں بلوچ انچو بے وس  ءُ ￶ بے ترکّ  ءُ ￶ توار بوت، نہ اے کتاب مانیت، نہ کتابجاہ مان اَنت، نہ زانت مانیت  ءُ ￶ نہ کہ راجی پجّار مانیت۔