مرد۔۔۔ محمود درویش/عبداللہ شوہاز

آئی ءِ دپ اش بست

دست اش گوں ملکموت ءَ پیڑات انت

ءُ گشت اش "کشندہ!"

آئی ءِ وراک، پچّءُ بیرکّ اش پُل اتنت 

رزوائی ءِ کورچات ءَ چگل اش دات

ءُ گشت اش "دزّ !"

چہ ہر پڈّل ءَ کشّ ات ءُ چیلّینت اش

بانکیں دوستدار اش پہ زوراکی پُل ات

ءُ گشت اش "پناہ گیر !"

او  شپ گوں سہریں ٹیلگ ءُ حونیگیں دستاں

تئی سند کسان انت

اے زندان پہ مدامی است نہ بیت

نہ کہ مان انت اے مہکمیں زمزیل

نیرو مرت بلئے روم نہ مرت

آ گوں چمّاں جنگ داں گڈّی ساعت ءَ داریت

گوں ھشک ءُ برتکگیں گوشاں

دانکہ گندیم بہ سبز انت اے شم ءَ