.jpeg)
تو من ءَ گوش بدارئے
پمشکا برے برے منی لچّہانی کڑی
تیاب ءَ چو ملّیرانی پدانی رستگیں کشک ءَ بنت
تئی چو انگور ءَ نرمیں دستاں پہ
من یک چاڑیں ٹلّو یے ءُ دستونکے اڈ کنگ ءَ آں
من چہ دُور ءَ وتی لچّہاں چاراں
من ءَ چہ گیش اے تئیگ انت
اشانی کڑی منی رنجانی مکیمی شاہڑاں پیڑ اَنت
ہمے ڈول ءَ اے ترّیں دیوالاں پتاہان کن اَنت
اے نہ سگّوکیں لیب ءِ ڈوہدار تو ئے
منی لچّہ چہ تہاریں گاراں بال کنان انت
تو ہرچیز ءَ پُر کن ئے
تو ہر جاہے ودی بیت
چہ تو سر اے چکار اِتنت تہنائی ءَ
تئی پکّ ءَ گیش منی ملوری ءَ چہ آشنا اتاں
نوں منی واھگ انت
اے گوں تو ہما کلّیں ھبراں بہ کن انت کہ من ءَ کنگی انت
ءُ تو ہما گپّاں بشکن ئے کہ من گشت نہ کت انت
قہریں دردانی گوات انگت اشانی نیام ءَ چکرّیت
وابانی ھار انگت چمیشاں در کپنت
منی غم جتیں توار ءِ تہا تو دگہ بازیں توارے اشکن ئے
او زمانگی نوحاں، کوہنیں پہلّی ءِ ھوناں!
من ءَ مہر بہ دیئت
منی ھمبلاں!
من ءَ کوپگ دیئت
منی سنگتاں!
ہمبراہ بئت منی
ہمبراہ بئت منی
دردانی اے قہریں ساھتاں
ہمبراہ بئت منی
بلئے منی لبز چہ تئی مہراں چکار اَنت
تو ہر ھوردگ ءَ ھوارئے
تو ہر ھورگ ءَ ھوارئے
من گوں ہمے لچّہاں
یک چاڑیں ٹلّویے ءُ یک دستونکے اڈ کنگ ءَ آں
تئی چو انگور ءَ نرمیں دستاں پہ
No comments:
Post a Comment